პროფესიული ორიენტაცია და კარიერული დაგეგმვა

2014 წლის 9-10 ოქტომბერს მე-20 სკოლის მეცხრე კლასების დამრიგებლები : მე, ქეთინო მამულაშვილი და გალინა აბულაძე  დავესწარით  ტრენინგს ,,პროფესიული ორიენტაცია და კარიერული დაგეგმვა" ( ტრენერი მზექალა ბერაძე) რომლის მიზანი იყო შეგვეძინა ცოდნა როგორ დავეხმაროთ 9-10 კლასის მოსწავლეებს საკუთარი მიდრეკილებების , ინტერესების, შესაძლებლობების , ღირებულებების თუ განვითარების პერსპექტივების გათვალისწინებით მაქსიმალურად სწორად აირჩიოს პროფესია.
ჩვენ განვიხილეთ ძალიან საინტერესო თეორიული მასალა და  შევასრულეთ  სხვადასხვა ტიპის თემატური აქტივობები . ტრენინგის დასასრულს  შევაჯამეთ ახლადშეძენილი ცოდნა ტესტზე მუშაობით.

დიდი მადლობა მინდა გადავუხადო ქ-ნ მზექალას  საინტერესო და  ნაყოფიერი  ტრენინგისთვის !

2014-2015 სასწავლო წლის პირველ სემესტრში ჩასატარებელი სამოდელო გაკვეთილების სავარაუდო განრიგი

9ბ კლასში - ვახტანგ გორგასალი და მისი ეპოქა / 2014 წ ოქრომბერი
აქტივობების მოკლე აღწერა:

• მოსწავლეები გაეცნობიან და გაანალიზებენ ვახტანგ გორგასლის პოლიტიკურ მოღვაწეობას და იმ სოც-კულტურულ ცვლილებებს , რომელიც მოხდა მისი მეფობის დროს საქართველოში 
• განუვითარდებათ რუკაზე , წყაროებზე მუშაობის უნარი 

8ა კლასი - ნაპოლეონ ბონოპარტის ომებო / 2014 წლის ნოემბერი

• მოსწავლეები შეისწავლიან ნაპოლეონ ბონოპარტის ძირითად ბრძოლებს 
• გაანალიზებენ ნაპოლეონის წარმატება/წარუმატებლობის მიზეზებს
• იმსჯელებენ ნაპოლეონის მმართველობის შედეგებზე საფრანგეთისთვის/ მსოფლიოსთვის
• განუვითარდებათ რუკაზე, წყაროებზე მუშაობის უნარი 
• განუვითარდებათ დისკუსიის წარმართვის უნარი

2014 წლის 27 სექტემბერი რუსთავში

რუსთავში დღეს საქართველოს ეროვნული გმირის ჟიული შარტავას და აფხაზეთის ომში საქართველოს ტერიტორიული მთლიანობისათვის დაღუპული გმირების ხსოვნას პატივი მიაგეს. საქართველოს პარლამენტის ვიცე-სპიკერმა, რუსთავის მაჟორიტარმა დეპუტატმა ზვიად ძიძიგურმა, რუსთავის მერმა დავით ჯიქიამ, საკრებულოს თავმჯდომარე დავით მაღლაკელიძემ, ქალაქის მერიისა და საკრებულოს წარმომადგენლებმა ჟიული შარტავას მემორიალი გვირგვინებით შეამკეს. 
"თითოეული ქართველისათვის, ეს არის დღე, რომელიც ტრაგიზმითაა აღსავსე. დღეს რუსთავში, ჟიული შარტავას მემორიალთან ვართ, ეს კაცი იყო ნამდვილი გმირი, რომელმაც დაიცვა ქართული სახელმწიფოებრიობა საკუთარი სიცოცხლის ფასად. ჩვენ დღეს მოვედით და ჟიული შარტავას ხსოვნას პატივი მივაგეთ და ამით პატივი მივაგეთ ყველას, ვინც საქართველოს ტერიტორიული მთლიანობისათვის ბრძოლაში დაიღუპა," - განაცხადა ზვიად ძიძიგურმა. 

 მე და ჩემი სადამრიგებლოს მოსწავლეები : სალომე ურიადმყოფელი , ანა ბადალიანი, ლუკა მალუტაშვილი. ლიკა ნებიერიძე, საბა გაფრინდაშვილი და დაჩი გილიგაშვილი  დავესწარით ღონისძიებას , რომელიც რუსთავის ჟიული შარატავას სახელობის მე-4 საჯარო სკოლის მოსწავლეთა მონაწილეობით გაიმართა.

27 სექტემბრისადმი მიძღვნილი პრეზენტაცია

27 სექტემბერს საქართველოში აღინიშნება ორი მნიშვნელოვანი თარიღი : 

ერთი რელიგიურია - ჯვართამაღლების ბრწყინვალე დღესასწაული 

მეორე საერო , ტკივილით აღსავსე - სოხუმის დაცემის დღე 

 1992-1993 წლებში აფხაზეთის სეპარატისტულმა რეჟიმმა რუსეთის რეგულარული ჯარის დახმარებით 300 ათასზე მეტი აფხაზეთის ადგილობრივი მკვიდრი განდევნა მშობლიური მხარიდან, ათასობით უდანაშაულო მშვიდობიანი მოსახლე კი წამებით გამოასალმა სიცოცხლეს. აფხაზეთის ომს უამრავი მამულიშვილი, გმირი მეომარი შეეწირა, მათ შორის  არის საქართველოს ეროვნული გმირი -ჟიული შარტავა .

 26 სექტემბერს , საზოგადოებრივი კათედრის ორგანიზაციით , #20 საჯარო სკოლაში ამ თემებზე ჩატარდა   პრეზენტაცია . მე დამევალა პრეზენტაციისთვის მასალების მოძიება , სლაიდ შოუს შექმნა და პრეზენტაციის გამართვა  . პრეზენტაციას ესწრებოდნენ  მე-5, მე-6, მე-7, მე-9 , მე-10 და მე-12 კლასის მოსწავლეები 

პრეზენტაციის დასასრულს დამსწრე საზოგადოებას თემატური ლექსები წაუკითხა 11 ა კლასის მოსწავლე : დავით კეკელიამ 

კიდევ ერთი სერტიფიკატი

2014-2015 სასწავლო წელს ვიწყებ სასიხარულო წინსვლით პროფესიულ საქმიანობაში . 2014 წლის 8-12 აგვისტოს გავედი და ჩავაბარე უცხო ენის (რუსული) გამოცდა !

საქალაქო კონფერენცია ,, პოზიცია -მედალი"

28.03.2014  ჩვენ სკოლაში , რუსთავის მოსწავლეთა თვითმართველობების გაერთიანების ხელმძღვანელობით ჩატარდა კონფერენცია ,, პოზიცია-მედალი" .

კონფერენციაში მონაწილეობა მიიღო ქალაქის 9 სკოლამ : #3,#5,#10,#12,#18,#20,#25,#28 და კერძო სკოლამ ,,ჩირაღდანმა"  თვითოეულ სკოლას ჰქონდა დამუშავებული საქართველოსთვის აქტუალური და პრობლემატური თემა (შოუ ბიზნესი საქართველოში; კავკასიის როლი მსოფლიოში; რუსეთ-საქართველოს ურთიერთობები 21 საუკუნეში; საქართველო და ნატო; ეკოლოგია საქართველოში; გენდერული თანასწორობა ) .მე-20 სკოლას წარმოადგენდნენ : ნათია თავდუმაძე, ანა კორინთელი, ანა თაყაძე თემით ,,რელიგია და საზოგადოება "

 თემაზე მუშაობის   დროს გოგონებმა მომმართეს კონსულტაციისთვის , ყურადღებით მოისმინეს და გაითვალისწინეს ჩემი რჩევები და დეტალურად გაეცნენ იმ მასალას რომელიც მივაწოდე 

. კონპეტენტურმა ჟიურიმ კორექტულად შეაფასა მოსწავლეთა ნაშრომები, მისცა პრაქტიკული რჩევები და დაასახელა საუკეთესო გუნდები .

 კონფერენციაში მონაწილე ყველა გუნდს გადაეცა სერტიფიკატი და სამახსოვრო საჩუქარი 

.როგორც ჩვენი ლამაზი და ნიჭიერი გოგონების კონსულტანტი მასწავლებელი ძალიან კმაყოფილი ვარ მათი მიზანდასახულობით და შრომისუნარიანობით . სწორედ ასეთი  აქტიური პოზიციის მქონე მოსწავლეები  უბრუნებთ და აძლიერებენ მასწავლებლებს პროფესიის მიმართ ხალისს !

მასწავლებელთა პროფესიონალური განვითარების სქემა /სიახლეები

2014 წლის 18 მარტს  რუსთავის 24-ე საჯარო სკოლაში მასწავლებელთა პროფესიული განვითარების განახლებული სქემის პროექტისა და ახალი პროფესიული სტანდარტის სამუშაო ვერსიის განხილვა მოეწყო. ღონისძიებას რუსთავისა და გარდაბნის რაიონების საჯარო სკოლების პედაგოგები ესწრებოდნენ. ჩვენი სკოლის წარმომადგენლებად ვიყავით მე, მანანა ჯიმშელაძე და ხათუნა ციხელაშვილი. 

შეხვედრა დიალოგის რეჟიმში მიმდინარეობდა და მოიცვა ბევრი საინტერესო საკითხი . 

ისტორიის ოლიმპიადა

2014 წლის  თებერვალში   საქართველოს უნივერსიტეტმა , არასამთავრობო ორგანიზაცია ,,ახალგაზრდა დიპლომატთა ლიგის’’ ორგანიზებით, დაგეგმა  ჩაეტარებინა ისტორიის ოლიმპიადა, რომელშიც მონაწილეობას მიიღებდნენ  საქართველოს საჯარო და კერძო სკოლის მე-12-ე კლასის მოსწავლეები.

ჩემმა ძალიან აქტიურმა და მიზანდასახულმა მოსწავლემ -ანა სანაიამ, რომელიც ჯერ კიდევ 11 კლასის მოსწავლეა  გადაწყვიტა მონაწილეობა მიეღო ამ ოლიმპიადაში . ჩვენ 3 კვირის განმავლობაში საგულდაგულოდ ვემზადებოდით და 15 თებერვალს გამოვცხადდით ზემოთაღნიშნულ ოლიმპიადაზე. 

ოლიმპიადის დაწყებამდე მონაწილეებს შესაძლებლობა ჰქონდათ გაცნობოდნენ დიპლომატთა ლიგის საქმიანობას, საქართველოს უნივერსიტეტის სტრუქტურასა და პროგრამებს. (პრეზენტატორი : ბესიკ ექსოულიძე. )

მოსწავლეებმა ტესტზე იმუშავეს 2 საათი .

ტესტი შედგებოდა 6 დავალებისგან :

1.დახურული კითხვები (10ქ)

2.დეფინიცია (5ქ)

3.ვინ ვარ მე (5ქ)

4.დაალაგე ქრონოლოგიურად (5ქ)

5.ტექსტის გასწორება (10 ქულა)

6.სურათების ამოცნობა (5ქ)

ტესტის სწორი პასუხები 15 თებერვლის საღამოსვე დაიდო . საბოლოო შეფასებას ელექტრონული ფოსტით შეგვატყობინებენ 2-3 დღეში. 

რელიგიის სწავლება სკოლებში - ევროპული გამოცდილება და საქართველო

2014 წლის  10 თებერვალს საქართველოს პარლამენტის ეროვნული ბიბლიოთეკის დარბაზში წარიმართა მოძრაობა ,,დავითიანნის" მიერ  ორგანიზებული შეხვედრა თემაზე : რელიგიის სწავლება სკოლებში - ევროპული გამოცდილება და საქართველო . შეხვედრა მიზნად ისახავდა , ნათლად წარმოეჩინა სკოლებსა და სასკოლო ასაკის ბავშვებში რელიგიის სწავლების აუცილებლობა .
შეხვედრა გახსნა გიორგი მიქაძემ (ახალგაზრდული მოძრაობის ,,დავითიანნის" ერთერთმა დამფუძნებელმა) , რომელმაც ისაუბრა ღონისძიების  მიზნებზე და წარმოადგინა მომხსენებლები.

პირველი მომხსენებელი იყო ლევან ბუკია (ისტორიის და თეოლოგიის მაგისტრი) . მან ისაუბრა რელიგიის სწავლების საჭიროებაზე საჯარო სკოლებში და განიხილა სწავლების მისაღები ფორმები .

საუბარში ჩაერთო რუსთავისა და მარნეულის ეპარქიის  მთავარეპისკოპოსი იოანე , რომელმაც აღწერა რელიგიის სწავლების  თანამედროვე  სიტუაცია , ყურადღება გაამახვილა პრობლემებზე და გამოთქვა მოსაზრება მათი მოგვარების შესახებ. 

შემდეგმა მომხსენებელმა ქ-ნმა ნინო ფიცხელაურმა (ივ.ჯავახიშვილის სახ. თბილისის სახელმწიფო უნივერსიტეტის უცხო ენათა ლექტორი) წარმოადგინა კვლევა ,,რელიგიის სწავლება და ევროპული გამოცდილება". ქ-ნ ნინომ  ყურადღება გაამახვილა გერმანიის განათლების სისტემაზე და ხაზი გაუსვა რომ საქართველოს შეუძლია გაითვალისწინოს და გაიზიაროს გერმანელი კოლეგების გამოცდილება რელიგიის სწავლების საკითხში .

 შეხვედრის დასასრულს მიხეილ დუნდუამ თავისი მოხსენებით შეაჯამა საქართველოში არსებული დღევანდელი გამოწვევები რელიგიის სწავლებასთან დაკავშირებით და პარალელი გაავლო ამ საგნის სწავლების მსოფლიო პრაქტიკასთან.

ბ-ნი მიხეილის გამოსვლის შემდეგ  გაიმართა დისკუსია. ჩვენ გულახდილად ვისაუბრეთ   არსებულ პრობლემებზე. 

 დისკუსიის დასასრულს კონფერენციის წევრებმა შეიმუშავეს სამოქმედო გეგმა არსებული მდგომარეობის გაუმჯობესების მიზნით .

დღეს დავასრულე ,, სასწავლო პროექტები- Intel Teach Program" -ის ტრენინგი

INTEL TEACH PROGRAM-ის ფარგლებში ჩემს მიერ შექმნილი მასალაები შეგიძლიათ იხილოთ ამ ლინკზე